DAPAT AKO LANG!

Para sa aking mamahalin… 

Kung ako ay may hihilingin
Ikaw sana ang aking makapiling
‘Wag mo sana akong biguin
Pagkat ikaw lamang ang aking iibigin
 
Pangako sa’yo ikaw lang ang mamahalin
‘Di magbabago ang aking hangarin
Ganyan din sana ang tingin mo sa akin
Habang buhay sana ako’y paligayahin
-Anna Dominique Reyes, 2012

It’s every girl’s dream. If not all girls, maybe some. But for sure, this is my dream.

My dream is to find someone who’ll love me completely. Someone who’ll take care of my heart and will accept all sides of me. Yun lang naman eh. Di naman ako tumitingin sa itsura at sa kung anong nakaraan o pinanggalingan ng tao. Ang mahalaga sa’kin, seryoso at mahal ako ng totoo. Syempre kung mamahalin ako, dapat ako lang. Ayoko ng may kahati, ayoko ng may kaagaw, at lalong-lalo na ang maging reserba.

Selfish? Di naman masyado. Ang ibig ko lang naman sabihin ay sana makatagpo ako ng stick-to-one. Sinong matinong babae ang gusto ng may third party? At sinong matinong babae ang papayag na may kahati sa puso ng lalaking mahal niya? Wala naman siguro.

Hindi ako demanding at alam kong hindi lang ako ang tao sa buhay ng magiging boyfriend/asawa ko. Hindi sa akin iikot ang mundo niya. Kung sa prioritization, kahit maging pangatlo ako okay lang. Basta ang mauuna sa listahan niya ay ang Diyos at ang pamilya niya, saka na niya ko isunod, magiging masaya at panatag ako.

I want God to be the center of my future relationship with someon. Naniniwala kasi ako na kahit hindi maging perfect ang relasyon namin, basta pareho kaming nagtitiwala sa kakayahan ni Lord na matulungan kaming pagtibayin ang pagsasama namin, lahat ng problemang darating – maliit man o malaki – malalampasan namin. Naniniwala ako dun at walang makakapagbago nun sa akin.

Pag sinabi niyang mahal niya ko, dapat sa akin lang. Hindi group message! Anak ng tinapa naman talaga. Alam kong maraming gago sa panahon ngayon. Pero di ako mawawalan ng pag-asa na darating ang panahong ilalapit sa akin ng tadhana ang lalaking itinakda ng Panginoon para mahalin ako at mahalin ko rin.

Ako lang… Siya lang… Kaming dalawa lang…

Walang makikigulo. Walang makikialam.

Payag man o tutol ang iba… Ulanin man kami ng mga paratang ng iba…

Basta nagmamahalan kami, di kami padadala sa sasabihin ng iba.

Tapos ang usapan.

Teka. Nakita niyo na ba yung lalaking nakatakda para sakin? Kung oo paki sabi naghihintay lang ako. Magkita na lang kami sa tamang oras. HAHAHAHAHA!